Испания терма жамоаси ва "Атлетик" клуби ҳужумчиси Нико Уильямс фаолиятини Англия Премьер-лигасида давом эттириши мумкин.

Манбага кўра, Лондоннинг "Челси" клуби 22 ёшли футболчининг трансфери бўйича музокаралар жараёнини бошлаган. Уильямснинг меҳнат шартномасида уни басклардан 58 миллион еврога сотиб олиш мумкинлиги ҳақида банд бор.

Жорий мавсумда Нико "Атлетик"нинг 37 та ўйинида қатнашиб, тўққизта гол ва еттита голли узатмани ўз ҳисобига ёздириб қўйди. Нико ва Бильбао клуби ўртасидаги амалдаги меҳнат шартномаси 2027 йилнинг ярмигача мўлжалланган.