"Милан" ҳужумчиси Рафаэль Леау "Челси"нинг трансфер мақсадлари қаторида қолмоқда.
"Кўклар" бир неча ойдан буён португалияликнинг ёзги трансферини ўрганмоқда. "Милан"нинг позицияси ўзгармайди: 100 млн евродан кам бўлган таклифлар кўриб чиқилмасдан рад этилади. Журналист Даниэле Лонгонинг ёзишича, лондонликлар "россонерилар"нинг талабларидан хабардор, аммо музокараларни осонлаштиришга ёрдам бериши мумкин бўлган агент Жорже Мендешнинг қўллаб-қувватлашига умид қилмоқда.
Рафаэль Леаунинг "Милан" билан шартномаси 2028 йилнинг ярмигача мўлжалланган бўлиб, унинг Transfermarkt порталидаги тахминий нархи 75 млн еврони ташкил этади. Жорий мавсумда 25 ёшли футболчи 40 та ўйинда ўнта гол ва тўққизта голли узатмани амалга оширди.
