Лондоннинг "Арсенал" клуби Лиссабоннинг "Спортинг" клуби ҳужумчиси Виктор Дьёкерешга асосий даъвогарлардан бири ҳисобланади.
Швециялик ҳужумчи Европанинг турли гигантлари, жумладан, "Манчестер Юнайтед"нинг қисқа рўйхатида. Инсайдер Давид Орнштейннинг сўзларига кўра, "Арсенал" 26 ёшли футболчини жиддий мақсад қилган. "Канонирлар"нинг янги спорт директори Андреа Берта "Спортинг" юлдузининг иқтидорига мухлислик қилади. Лондонликлар "Ньюкасл" аъзоси Александр Исакга ҳам қизиқиш билдиришмоқда, аммо нарх туфайли Дьёкерешни сотиб олиш варианти анча реалроқ кўринади.
Transfermarkt Виктор Дьёкерешнинг нархини 75 миллион еврога баҳоламоқда. Футболчи жорий мавсум "Спортинг" сафида 42 та ўйинда майдонга тушиб, 42 та гол ва 11 та голли узатмага муаллифлик қилган.
