"Барселона" ярим ҳимоячиси Педри "Олтин тўп"ни қўлга киритиш имкониятлари ҳақида фикр билдирди. 22 ёшли футболчининг фикрича, у бу совринни қўлга киритишдан йироқ.
"Олтин тўп" мендан жуда узоқда бўлган нарса. Родри каби бир нечта истиснолардан ташқари, одатда совринни гол уриш статистикаси яхши бўлган футболчилар қўлга киритадилар. Мен "Олтин тўп"ни яхши статистикага эга бўлган ва ўзгаришларни келтириб чиқарадиган Ламин Ямал ёки Рафинья қўлга киритишини маъқул кўраман. Агар биз чемпионликни қўлга киритсак, хурсанд бўламан" - деди Педри TV3 билан суҳбатда.
2024/2025 йилги мавсумда Педри 44 та ўйин ўтказиб, 5 та гол урди ва жамоадошларига 7 та голли узатмани амалга оширди.
