"Атлетико Мадрид" Виктор Дьёкереш ва Бенжамин Шешко учун бошқа топ-клублар билан рақобатлашади. Иккала форвард ҳам трансфер бозорида талабга эга ва келгуси ёзда жамоасини ўзгартириш эҳтимоли юқори.
El Nacional хабарига кўра, "Атлетико" ҳар икки футболчи учун курашишга тайёр. Матрасчилар Диего Симеоне тизимида швед ва словенияликни Хулиан Альварес билан дуетда кўришади. Албатта, энг яхши ҳолатда қиммат ҳужумчилардан бири билан шартнома имзоланади.
26 ёшли Дьёкереш ва 21 ёшли Шешкога асосий давогарлар "Челси" ва "Арсенал", шунингдек, "Манчестер Юнайтед" клубларидир.
