"Ливерпул"нинг ўнг қанот ҳимоячиси Трент Александер-Арнольд клубни тарк этишдан олдин охирги мавсумини ўтказаётганга ўхшайди. Турли манбаларга кўра, 26 ёшли футболчи аллақачон "Реал"га эркин агент сифатида ўтишга рози бўлган.
Defensacentral хабарига кўра, Александер-Арнольд "Ливерпуль" мухлисларининг испан грандига ўтиш қарорига салбий муносабат билдирганидан ҳафсаласи пир бўлган. Англиялик футболчи фаолиятининг бошиданоқ ўйнаган клуби билан бошқача хайрлашишга умид қилган эди.
Трент Александер-Арнольд “қизиллар” сафида жами 349 та ўйинда майдонга тушиб, 22 та гол ва 87 та голли узатмани амалга оширган.
