Мадриднинг "Реал" клуби чап қанот ҳимоячиси Фран Гарсия "Ювентус"ни қизиқтириб қолди. Туринликлар 25 ёшли футболчини яқинлашиб келаётган трансферлар даврида ўз сафига қўшиб олиш ҳақида ўйламоқда. Tuttosport хабарига кўра, "қаймоқранглилар" испаниялик футболчи учун тахминан 20 млн евро сўрайди. Расмий музокаралар ҳали олиб борилмаяпти.
Фран Гарсия жорий мавсум Карло Анчелотти жамоаси сафида 36 та ўйинда майдонга тушди ва 4 та голли узатмани амалга оширди. Футболчининг "қироллик клуби" билан шартномаси 2027 йилнинг ярмигача мўлжалланган бўлиб, унинг трансфер нархи Transfermarkt талқинига кўра 15 млн еврони ташкил этади.
