Бутун фаолиятини "Астон Вилла"да ўтказган собиқ ҳужумчи Габриэль Агбонлаҳор Маркус Рэшфорднинг "Манчестер Юнайтед"дан ижара асосида Бирмингем клубига ўтиши ва унинг ўйинларига баҳо берди.
"Йиллар олдин мен Рэшфордга унга ғамхўрлик қиладиган ва унга раҳбарлик қиладиган одам кераклигини айтгандим.
Қаранг, у "МЮ"ни тарк этган ва яхшироқ ўйнаган ягона футболчи эмас. Масалан, Анхель Ди Мария ҳам. У "Юнайтед"ни тарк этди ва яхшироқ ўйнай бошлади.
Балки ҳозир бу муваффақиятли карьера калитидир. Агар сиз "МЮ"да қолиб кетган бўлсангиз, салбий клубдан чиқиб кетишингиз керак. Клуб билан боғлиқ ҳамма нарса негативлик билан тўлиб-тошган", - дея Агбонлаҳор сўзларини келтирган Goal.
