"Бавария" ҳужумчиси Харри Кейн жамоа устози Венсан Компанининг мураббийлик қобилиятига баҳо берди.

Бельгиялик мутахассис Мюнхен гранди бошқарувига ўтган йилнинг ёзида Томас Тухель ўрнига келганди.

"У билан ишлаш менга чиндан ҳам ёқади. Компани - ажойиб мураббий. У кучли характерга эга, майдонда, машғулотларда ўйинчилар ижросида нимани кўришни хоҳлашини аниқ билади.

У ҳамма нарсани тўғридан-тўғри айтади, ҳаммага бир хил муносабатда бўлади - 500 та ўйин ўтказганинг ёки битта ўйин ўтказганинг муҳим эмас. Ўйлайманки, у футболчилар ҳурматига тўла сазовор бўлди. Венсандан турли усулларни, баъзи тактик ньюансларни ўргандим, бу менга маълум жиҳатларда мукаммалроқ бўлишимга ёрдам берди," - деди Кейн Бундеслига расмий сайтига берган интервьюсида.