"Bavariya" hujumchisi Xarri Keyn jamoa ustozi Vensan Kompanining murabbiylik qobiliyatiga baho berdi.
Belgiyalik mutaxassis Myunxen grandi boshqaruviga o‘tgan yilning yozida Tomas Tuxel o‘rniga kelgandi.
"U bilan ishlash menga chindan ham yoqadi. Kompani - ajoyib murabbiy. U kuchli xarakterga ega, maydonda, mashg‘ulotlarda o‘yinchilar ijrosida nimani ko‘rishni xohlashini aniq biladi.
U hamma narsani to‘g‘ridan-to‘g‘ri aytadi, hammaga bir xil munosabatda bo‘ladi - 500 ta o‘yin o‘tkazganing yoki bitta o‘yin o‘tkazganing muhim emas. O‘ylaymanki, u futbolchilar hurmatiga to‘la sazovor bo‘ldi. Vensandan turli usullarni, ba’zi taktik nyuanslarni o‘rgandim, bu menga ma’lum jihatlarda mukammalroq bo‘lishimga yordam berdi," - dedi Keyn Bundesliga rasmiy saytiga bergan intervyusida.
