Франциянинг "Марсель" клуби футболчиси Луис Энрике "Бавария" қизиқишлари доирасига тушиб қолди.
Мюнхенликлар вакиллари мураббий Венсан Компани ва спорт директори Кристоф Фройнд ўтган ойда "Марсель"нинг "ПСЖ"га қарши ўйинига ташриф буюриб, 23 ёшли вингерни кузатган. Журналист Кристиан Фалькнинг хабар беришича, дастлабки музокаралар аллақачон ўтказилган. Кингсли Коман "Бавария"ни тарк этган тақдирда, трансфер эҳтимоли сезиларли даражада ошади.
Луис Энрике жорий мавсум 29 та жангда 9 та гол ва 7 та ассистни ўз ҳисобига ёздириб қўйди. Transfermarkt портали мутахассислари бразилияликнинг нархини 18 млн еврога баҳоламоқда.
