УEФА президенти Александр Чеферин Европа Суперлигаси бошланиши ҳақида фикр билдирди.

"Суперлига лойиҳаси бўлиб ташлайди ва вайрон қилади. Биз эса қуришни ва бирлаштиришни истаймиз. Уларнинг фикрича, энг яхшилар фақат энг яхшилар билан ўйнаши керак. Аммо биз "Аталанта" ва "Олимпиакос" совринларни қўлга киритганини, Сан-Марино терма жамоаси эса ғалаба қозонганини кўрдик," - дея раҳбарнинг сўзларини келтиради Marca газетаси.

Эслатиб ўтамиз, Мадриднинг "Реал" клуби президенти Флорентино Перес янги футбол мусобақасини йўлга қўйишда асосий ташаббускорлардан бири ҳисобланади.