"Челси"нинг аргентиналик ярим ҳимоячиси Энцо Фернандес фаолиятини қаерда давом эттириши маълум бўлди.
Олдинроқ 24 ёшли футболчи учун Испаниянинг икки гранди даъвогарлик қилаётгани ҳақида хабар берилганди.
Нуфузли инсайдер Фабрицио Романонинг сўзларига кўра, "Челси" ҳар доим Фернандесни лойиҳанинг муҳим қисми деб ҳисоблаган, шунинг учун уни келгуси ёзда сотиш кўриб чиқилмайди.
Қайд этилишича, ярим ҳимоячининг ўзи ҳам бор эътиборини “Челси” билан Чемпионлар лигасига қайтишга қаратган. Фернандеснинг "Челси" билан шартномаси 2032 йилгача мўлжалланган.
