"Аталанта" президенти Антонио Перкасси Жан Пьеро Гасперинининг кетиши мумкинлиги ҳақидаги миш-мишларга изоҳ берди.
"Умид қиламизки, менежер биз билан қолади. Унинг клубни тарк этаётгани ҳақидаги хабарни эшитсам, жуда ҳайрон бўлардим. Мен уни жуда яхши кўраман, чунки у менинг орзуларимни амалга оширди ва у қолади деган умиддаман. Биз "Аталанта" эканлигимизни унутмайлик, биз кубоклар учун топ клублар билан рақобатлашамиз", деди жамоа раҳбари.
Италия чемпионатининг 30-туридан кейин “Аталанта” А Серия турнир жадвалида 58 очко билан учинчи ўринда бормоқда.
