"Фиорентина" шарафини ҳимоя қилаётган ҳужумчи Мойзе Кин трансфер бозорида талабгир бўлиб турибди, дея хабар бермоқда Gazzetta dello Sport.
Манбага кўра, ҳужумчининг хизматларига Каталониянинг "Барселона" клуби ва Англия чемпионати вакиллари қизиқиш билдирмоқда. Кин "кўк-анорранглилар" сафида тажрибали польшалик Роберт Левандовски ўрнини эгаллаши мумкин.
Мойзенинг "Фиорентина" билан меҳнат шартномаси 2029 йилнинг ярмигача мўлжалланган. Шартномада июль ойининг биринчи ярмида амал қиладиган 52 миллион еврога сотиб олиш банди кўрсатилган.
Жорий мавсумда форвард А Серияда 27 та ўйин ўтказди.
