"Барселона" президенти маслаҳатчиси Энрик Массипнинг айтишича, клуб жамоанинг собиқ сардори Лионель Мессига муносиб ҳурмат кўрсатилишини таъминлайди.
"Ҳеч қандай шубҳа йўқки, Месси ўзи муносиб бўлган ҳурматни олади - агар у буни хоҳласа. Месси кетганида Лапорта клуб учун энг яхши бўлган ишни қилди.
Бу уни қаттиқ ранжитди, чунки уларнинг муносабатлари мустаҳкам эди, аммо бу қилиш керак бўлган оғир танлов эди," - деди Масип.
Аввалроқ ОАВда Месси қисқа муддатга Каталония клубига қайтиши мумкинлиги ҳақида хабарлар тарқалган эди. Ҳужумчининг бўлажак жаҳон чемпионатига оптимал формада келиш учун Европада ўйнаш истаги борлиги айтилди.
