Тьяго Мотта "Ювентус" кийиниш хонаси унга қарши қўйилганини инкор қилди.
- Футболчилар сизга қарши қўйилгани ростми?
- Улар мени мураббий сифатида таркибни танлаганим учун танқид қилишлари мумкин ва мен буни албатта қабул қиламан. Лекин кийим алмаштириш хонаси менга қарши эди, деган одам ёлғончи. Бундай нарсаларни қабул қилиб бўлмайди, бу ҳақиқат эмас. Фаолиятимда ҳеч қачон мен билан бирга ишлаган ҳеч ким мен билан муаммолари борлигини айтмаган.
"Ювентус"да мен барча футболчилар билан профессионал ва инсоний нуқтаи назардан ажойиб муносабатлар ўрнатдим. Мулоҳаза ва равшанликка асосланган муносабатлар.
Камроқ ўйнаганлар камроқ хурсанд бўлиши нормал ҳолат. Мен ҳам футболчи бўлганман, ўйнамаган пайтларим, албатта, унчалик хурсанд бўлмаганман. Лекин мен доим мураббийнинг қарорларини ҳурмат қилганман, "Ювентус" футболчиларида ҳам шундай бўлган", — деди туринлик собиқ устози.
