Мадриднинг “Реал” клуби шанба куни ўз майдонида “Валенсия”га 1:2 ҳисобида имкониятни бой бериб, мухлислари ҳафсаласини пир қилди.
Ўйиндан сўнг мадридликлар бош мураббийи Карло Анчелотти ўз фикрларини билдирди.
"Ла Лига чемпионлиги? Энди уни қўлга киритиш қийинроқ бўлади. Биз кўп вазиятлар яратдик, ҳужумда яхши ўйнадик.
Ҳимояда яхшироқ ўйнашимиз керак эди.
Мағлубиятга яраша ўйин қилмадик. Кичик тафсилотлар туфайли ўйинда мағлуб бўлдик. Шубҳасиз, биз ғалаба қозонишга ҳақли эдик", - деди Анчелотти журналистларга.
