Мадриднинг “Реал” клуби бош мураббийи Карло Анчелотти Испания Примьеросининг 30-тури доирасидаги жамоаларнинг ўзаро ўйинида (1:2) “Валенсия” мухлислари “Реал” ҳужумчиси Винисиус Жуниорга ҳуштакбозлик қилишлари билан боғлиқ вазиятга изоҳ берди.
Ўйин Испания грандининг уй стадиони "Сантьяго Бернабеу"да бўлиб ўтди. Хусусан, бразилиялик футболчи тўпни йўқотиб қўйганида “кўршапалаклар” мухлислари унга ҳуштакбозлик қилишди.
"Бу Винисиусга таъсир қилмайди. У диққатини жамлайди ва ҳар доим қўлидан келганини қилади", - деди Анчелотти.
