Эммануэль Пети Чемпионлар лигасидаги "Арсенал" ва "Реал" ўртасидаги ўйинлар ҳақида фикрлари билан ўртоқлашди.
Клублар Чемпионлар лигасининг чорак финалида 2 та ўйин ўтказади. Биринчиси сешанба куни Лондонда бўлиб ўтади.
"Биз ҳаммамиз биламизки, "Реал Мадрид" сўнгги йилларга нисбатан ўзининг энг юқори чўққисида эмас.
Улар, айниқса, ярим ҳимояда қийинчиликларга дуч келмоқда, лекин уларда жуда кўп иқтидорли ўйинчилар, ўзгаришларни амалга ошира оладиган шахслар бор.
"Мен учун "Арсенал" чемпионлик учун даъвогар, аммо улар бу ўйинларда фаворит эмас", - деди "канонирлар"нинг собиқ футболчиси.
