"Манчестер Юнайтед" устози Рубен Аморим жамоа ярим ҳимоячиси Бруну Фернандешнинг роли ҳақида фикр билдирди.
"Бу футболчи жамоа учун жуда қимматли актив ҳисобланади. Фернандеш ўз ролини яхши бажаради. Лекин ҳаммаси такомиллашиши керак. Бруну келаси мавсумда олдинга янги қадам ташлаши керак, чунки у жамоада жуда катта роль ўйнайди," - дея мутахассиснинг сўзларини келтиради манкуниан гранди матбуот хизмати.
Англия Премьер-лигасининг жорий мавсумида 30 ёшли португалиялик 30 та ўйинда майдонга тушди. Ярим ҳимоячи саккизта гол ва тўққизта голли узатмани ўз ҳисобига ёздириб қўйди.
