"Реал" ҳужумчиси Килиан Мбаппе юлдуз жамоадоши ҳақида ўз фикрлари билан ўртоқлашди.

"Винисиус Жуниор билан жуда яхши муносабатдаман. Одамлар биз ҳақимизда ҳар доим бирор нарса айтишни хоҳлашлари нормал ҳолат ва бу ижобий контекстда бўлиши шарт эмас. "Реал"га келганимда мақсадим у билан футбол майдонида ўйнаш эди. "Реал"ни Винисиуссиз тасаввур қила олмайман", деди Мбаппе.

Эслатиб ўтамиз, Килиан Мбаппе ўтган ёзда "Реал"га эркин агент сифатида ўтган эди. Жорий мавсумда у қироллик клуби сафида барча мусобақаларда 46 та ўйинда майдонга тушиб, 32 та гол урди ва 4 та голли узатмани амалга оширди.