"Порту"дан ижарага олинган "Ювентус" футболчиси Франсишку Консейсау фаолиятини Англия Премьер-лигасида давом эттириши мумкин.
Дастлаб, "кекса синьора" раҳбарлари португалияликни сотиб олишни режалаштирган, бу мавсум давомида бир неча бор хабар қилинган, аммо Тиаго Мотта ишдан бўшатилгандан сўнг трансфер эҳтимоли кескин камайди. Журналист Николо Скиранинг сўзларига кўра, Консейсау келаси ёзда вазиятни ўзгартириши мумкин. Футболчига Англияда талаб бор: Премьер-лиганинг номи ошкор этилмаган бир нечта клублари аллақачон эҳтимолий битим ҳақида маълумот сўраган.
Франсишку Консейсау "Ювентус" сафида 31 та ўйинда 5 та гол ва 5 та голли узатмага муаллифлик қилган. Transfermarkt портали 22 ёшли вингернинг нархини 36 млн еврога баҳолаган.
