"Ан-Наср" форварди Криштиану Роналду замонавий футболнинг энг яхши уч нафар футболчисини эътироф этди.
"Мен ўзимни, Лионель Месси ва Зинедин Зиданни энг яхши уч футболчи рўйхатига киритган бўлардим," - деди Роналду Give me Sport нашрига берган интервьюсида.
Жорий мавсумда Роналду "Ан-Наср" сафида барча мусобақаларда 33 та ўйинда майдонга тушиб, 28 та гол урди ва 4 та голли узатмани амалга оширди. Унинг клуб билан шартномаси 2025 йилнинг ёзигача амал қилади. Transfermarkt портали маълумотларига кўра, футболчининг бозор нархи 12 миллион еврога баҳоланмоқда.
Месси айни дамда МЛСнинг "Интер Майами" жамоасида ўйнамоқда. Зидан эса профессионал футболчилик фаолиятини якунлаган.
