"Барселона"нинг бразилиялик ҳужумчиси Рафинья Диас жамоа кийиниш хонасидаги энг севимли футболчилардан бири ҳисобланади. Бу ҳақда Diario Sport хабар бермоқда.
Манбага кўра, айнан шу сабабли Рафинья сардорлик боғичини олган. Ҳиссиётлар жунбушга келганига қарамай, у жамоадошларига ёрдам беришга доим тайёр бўлган биринчи футболчи, дея таъкидлайди манба. Бундан ташқари Рафинья ёш футболчиларга катта ёрдам беради.
Жорий мавсумда 28 ёшли вингер барча турнирларда 44 та учрашувда қатнашиб, 27 та гол урди ва 20 та голли узатма муаллифига айланди.
