Сешанба куни "Реал" Чемпионлар лигасининг дастлабки чорак финалида "Арсенал" меҳмони бўлди - 0:3. Ярим ҳимоячи Лука Модрич бу ўйинда дастлабки дақиқалардан майдонга тушди.
Opta хабарига кўра, Модрич Чемпионлар лигаси чорак финалида асосий таркибга киритилган учинчи энг кекса ўйинчига айланди. Хорват 39 ёшу 211 кунлигида майдонга тушди.
Каттароқ ёшда Чемпионлар Лигаси чорак финалини майдонда фақат Алессандро Костаcурта (39 ёш ва 339 кун) ва Раян Гиггз (40 ёш ва 123 кун) асосий таркибда бошлаган.













