Мадриднинг "Атлетико" клуби сафида тўп тепаётган словениялик дарвозабон Ян Облак ёзги трансферлар даврида клубини ўзгартириши мумкин. Бу ҳақда Todofichajes портали журналистлари хабар бермоқда.

Манбага кўра, "матрасчилар" раҳбарияти футболчини ёзги трансфер ойнасида сотиш вариантини кўриб чиқмоқда. Испан гранди юқори маоши - ўн миллион евро эвазига Облак билан хайрлашмоқчи.

Ян "Атлетико" сафида 2014 йилнинг ёзидан буён тўп тепиб келмоқда. Томонлар ўртасидаги амалдаги шартнома муддати 2028 йил июнь ойи охирида тугайди. Словениялик футболчининг бозор нархи 25 миллион еврога баҳоланмоқда.