Мадриднинг "Атлетико" клуби ёзги трансфер ойнаси учун асосий мақсад сифатида "Реал Сосьедад" вингери Такефуса Кубони кўрмоқда. "Метрополитано"да япониялик мавсум охирида жамоани тарк этса, Антуан Гризманнинг идеал давомчиси сифатида кўрилмоқда.
Диего Симеоненинг Кубога бўлган қизиқиши янгилик эмас, лекин Гризманннинг келажаги борасидаги ноаниқлик фонида бу сўнгги ҳафталарда янада кучайди. Франциялик футболчига Саудия Арабистони ёки МЛСдан таклифлар тушиши мумкин, шу сабабли “Атлетико” жамоаси муносиб ўринбосар қидирмоқда.
Жорий мавсум Кубо “Сосьедад” сафида барча турнирлар доирасида 44 та ўйинда майдонга тушиб, 7 та гол ва 4 та голли узатмага муаллифлик қилган.
