"Манчестер Юнайтед" "Аталанта" ярим ҳимоячиси Эдерсон Лоуренсони сотиб олмоқчи, деб хабар беради GiveMeSport.
Манба берган хабарга кўра, шартномани узайтирмагани учун инглиз жамоаси футболчиси Кобби Майну билан боғлиқ вазият клуб раҳбариятини катта ташвишга солмоқда. Унинг кетиши эҳтимоли ортиб бораётганлиги сабабли, "Юнайтед" Эдерсонга қизиқишини оширмоқда, чунки улар ўз таркибини кучайтирмоқчи.
25 ёшли бразилиялик футболчи жорий мавсумда “Аталанта” сафида барча турнирлар доирасида 42 та ўйин ўтказиб, 4 та гол урди ва 2 та голли узатмани амалга оширди. Унинг шартномаси 2027 йилнинг ёзига қадар мўлжалланган.
