Ҳужумчи Муҳаммад Салоҳ ва марказий ҳимоячи Виржил ван Дейк "Ливерпуль" билан шартномани узайтириш арафасида турибди.
Аввалроқ турли нуфузли манбалар маълум қилганидек, томонлар музокараларнинг якуний босқичида. Таниқли инсайдер Девид Орнштейннинг маълум қилишича, иккала футболчи ҳам "қизиллар" билан икки йиллик шартнома имзолайди.
Муҳаммад Салоҳ "Ливерпул" сафида 2017 йилнинг ёзидан буён, Виргил ван Дейк эса 2018 йилнинг бошидан буён тўп тепиб келмоқда. Мерсисайдлик юлдузларнинг амалдаги шартномалари июль ойида, жорий мавсум якунланганидан кўп ўтмай тугайди.
