Бразилиялик ярим ҳимоячи Дуглас Луис Туриннинг "Ювентус" клубида ўз самарасини бера олмади. Tuttosport портали журналистларининг хабар беришича, "кекса синора" ёзги трансфер ойнасида 26 ёшли ярим ҳимоячини сотишга қарор қилган.
Италия топ-клуби Дугласни сотишдан тахминан 40 миллион евро ишлаб олишни кутмоқда. Матбуотда "Ноттингем Форест" Луисни ўз сафига қўшиб олишга қизиқаётгани ҳақида хабар берилганди.
Бразилиялик футболчи ўтган ёзда Бирмингемнинг “Астон Вилла” клубидан 51,5 миллион евро эвазига “Ювентус”га ўтган эди. Томонлар ўртасидаги амалдаги шартнома 2029 йилнинг июн ойи охирида тугайди.
