"Манчестер Юнайтед" ўз ҳужумини "Брентфорд" футболчиси билан кучайтирмоқчи.
GiveMeSport нашри манбаларига кўра, "қизил иблислар" раҳбарияти Браян Мбеумони сотиб олиш вариантига эътибор қаратмоқда.
Унинг “арилар” билан амалдаги шартномаси 2026 йилнинг июн ойи охиригача мўлжалланган, бироқ 25 ёшли камерунлик футболчининг шартномасида уни яна бир мавсумга узайтириш имконияти мавжуд бўлиб, клуб уни ўзи фаоллаштириши мумкин.
Браян Мбеумо жорий мавсумда “Брентфорд” сафида Премьер-лиганинг 31 та ўйинида майдонга тушиб, 16 та гол урди ва 5 та голли узатмани амалга оширди.













