"Тоттенхэм" Матис Телни арзонроқ нархга сотиб олишга умид қилмоқда.
"Бавария"га тегишли бўлган ҳужумчи Лондон клубида ижара асосида ўйнамоқда.
Журналист Флориан Плеттенбергнинг сўзларига кўра, “шпорлар” футболчидан мамнун ва доимий трансфер ҳақида ўйламоқда, бироқ ҳозирча якуний қарор қабул қилингани йўқ.
Клуб 50-55 миллион евро миқдоридаги сотиб олиш бандини фаоллаштиришга тайёр эмас ва "Бавария" билан янги музокаралар олиб бориш ниятида.
Плеттенбергнинг таъкидлашича, Тель Мюнхендаги келажагига ҳозирги раҳбарият ва бош мураббий қўл остида ишона олмайди. Клуб франциялик футболчини шу ёзда сотишни талаб қилмоқда.
