"Ньюкасл"да клуб келаси ёзда ҳужумчи Александр Исакнинг кетишига халақит бериши мумкин деган фикр кучаймоқда.
Исак жорий мавсумда "Ньюкасл" сафида Премьер-лигада 20 та гол урди, шунингдек, Лига кубогини қўлга киритди ва у "Арсенал", "Ливерпуль" ва "Барселона" каби топ-клублар нишонига айланди.
Бироқ, ҳозирда 25 ёшли швециялик футболчини "Ньюкасл" баҳолаган 150 миллион фунт стерлингни тўлашга тайёр ҳақиқий харидор йўқ.
Бир қатор манбаларнинг Daily Mail нашрига таъкидлашича, клуб бошлиқлари ва агентлар Исакнинг шартномаси тугашига уч йил қолган "Сент-Жеймс Парк"ни тарк этишини кутишмайди.
