Миланнинг "Интер" клуби бош мураббийи Симоне Индзаги Чемпионлар Лигаси 1/4 финалининг "Бавария"га қарши жавоб ўйинида жамоасидан нималар талаб этилишини айтиб ўтди.
Биринчи учрашув Мюнхенда "нерадзуррилар"нинг ғалабаси билан якунланганди - 2:1. Қарама-қаршилик тақдири 16 апрель куни Миланда ҳал бўлади.
"Биз дунёдаги энг юқори маошга эга бўлган жуда кучли жамоага муносиб қаршилик кўрсатдик. Жавоб ўйинида зўр ўйнашимизга тўғри келади - фақат шу йўл билан ярим финалга чиқишимиз мумкин. Ўйинга ўз кучимизга ишонч билан ёндашамиз. Мюнхендагидек тезкор, тажовузкор ва тартибли ҳаракат қилиш керак," - деди Индзаги А Серияда "Кальяри"га қарши ўйиндан сўнг (3:1) DAZN'га берган интервьюсида.
