"Барселона" ярим ҳимоячиси Дани Ольмо жароҳатидан сўнг сафга қайтди. Бу ҳақда Каталония жамоаси матбуот хизмати хабар берди. “Кўк-анорранглилар” ўз ярим ҳимоячисини Испания кубоги финал учрашуви учун сақлаб қолиши мумкинлиги ҳақида аввалроқ хабар берилган эди.

26 ёшли Ольмо жорий мавсумда барча турнирларда 28 та ўйинда майдонга тушиб, 8 та гол урди ва 5 та голли узатмани амалга оширди. "Барселона"нинг навбатдаги ўйини 15 апрель куни бўлиб ўтади.

Шу куни Ханс-Дитер Флик шогирдлари Чемпионлар лигаси чорак финалининг жавоб учрашувида Дортмунднинг “Боруссия”сига қарши майдонга тушишади.