"Barselona" yarim himoyachisi Dani Olmo jarohatidan so‘ng safga qaytdi. Bu haqda Kataloniya jamoasi matbuot xizmati xabar berdi. “Ko‘k-anorranglilar” o‘z yarim himoyachisini Ispaniya kubogi final uchrashuvi uchun saqlab qolishi mumkinligi haqida avvalroq xabar berilgan edi.

26 yoshli Olmo joriy mavsumda barcha turnirlarda 28 ta o‘yinda maydonga tushib, 8 ta gol urdi va 5 ta golli uzatmani amalga oshirdi. "Barselona"ning navbatdagi o‘yini 15 aprel kuni bo‘lib o‘tadi.

Shu kuni Xans-Diter Flik shogirdlari Chempionlar ligasi chorak finalining javob uchrashuvida Dortmundning “Borussiya”siga qarshi maydonga tushishadi.