Сеад Колашинац "хоч" жароҳати туфайли ярим йилга сафдан чиқди.
"Аталанта" ҳимоячиси А Серия 32-туридан ўрин олган "Болонья"га (2:0) қарши ўйинда майдондан замбилда олиб кетилди.
Ўйиндан сўнг дарҳол Колашинац текширувдан ўтказилди, унда олдинги хочсимон бойламнинг ёрилиши ва чап тиззанинг ташқи менискининг радиал ёрилиши аниқланди.
La Gazzetta dello Sport хабарига кўра, футболчи камида 5-6 ойни ўтказиб юборади. Колашинац "Аталанта"нинг жорий мавсумда жароҳат олган бешинчи ҳимоячиси ҳисобланади.
Ундан ташқари, Жоржо Скальвини ҳам мавсум охиригача сафдан чиққан, Штефан Пош март ойи бошидан бери майдонга тушмаган.
Рафаэль Толой шу ҳафтада тузалди, Одилон Коссуну эса уч ойлик танаффусдан сўнг қайтиб келди.
