"Астон Вилла" бош мураббийи Унаи Эмери Чемпионлар Лигаси чорак финалидан ўрин олган "ПСЖ"га қарши жавоб ўйинидан сўнг ўз фикрлари билан ўртоқлашди.
Бирмингемликлар ўз уйларида 3:2 ҳисобида ғалаба қозонишди, аммо бу етарли бўлмади - икки ўйин натижасига кўра француз гранди устун келди (5:4).
"Мен жамоа билан фахрланаман. Бу босқичга чиқиш олдинга ташланган қадамдир. "ПСЖ" билан икки ўйинда жуда қаттиқ курашдик. Бугун биз янада яхшироқ натижага эришдик, керакли натижага яқин эдик. 0:2 ҳисобида ютқазаётганимизда ҳам мухлисларимиз бизни ажойиб тарзда қўллаб-қувватлашди. Энди бизнинг вазифамиз - мавсумни Премьер-лигада муваффақиятли якунлаб, яна Чемпионлар лигасига йўл олиш," - деди Эмери Amazon Prime'га берган интервьюсида.
