"Бавария" бош мураббийи Венсан Компани жамоанинг Чемпионлар Лигаси 1/4 финал босқичидан чиқиб кетиши қандай оқибатларга олиб келиши мумкинлиги ҳақида гапирди.
Мюнхенликлар қийин вазиятга тушиб қолишди: ўтган ҳафта Бундеслига гранди ўз майдонида "Интер"га 1:2 ҳисобида имкониятни бой бериб қўйганди. Чоршанба куни Компани жамоаси Миланда "нерадзуррилар" билан ўйнайди.
"Сиз ҳар доим биз турнирни тарк этадиган бўлсак, нима бўлишини сўрайсиз. Кейинги босқичга ўтсак-чи? Янги шартнома оламанми? Биз муваффақиятга интиламиз - ўйинга шундай ёндашамиз. Чемпионлар Лигаси ярим финалидан фақат битта ўйин, Бундеслигадаги ғалабадан эса атиги учта ўйин ажратиб турибди. Биз шундай имкониятлар учун яшаяпмиз," - деди Компани матбуот анжуманида.
