"Манчестер Юнайтед"нинг собиқ ҳужумчиси Уэйн Руни "Блэкберн" бош мураббийи бўлиши мумкин, деб хабар беради talksport.
"Блэкберн" Валериан Исмаэлни февраль ойида бош мураббийликка тайинлаган эди. Айни пайтда инглиз клуби Чемпионшипда 42 ўйиндан сўнг 56 очко жамғариб, ўнинчи ўринда бормоқда.
Манбага кўра, 49 ёшли француз аллақачон босим остида бўлиб, унинг қўл остида тўққизта ўйинда атиги бир марта ғалаба қозонган.
Руни декабрь ойида "Плимут"дан ишдан бўшатилганидан бери мураббийлик ишисиз қолмоқда. Ҳозирда 39 ёшли инглиз телевидениеда футбол эксперти бўлиб ишлайди.
Шунингдек, Уэйн "Дерби Каунти," "Ди Си Юнайтед" ва "Бирмингем" клубларида ҳам мураббийлик қилган.
