Мадриднинг “Реал” клуби ярим ҳимоячиси Арда Гюлер Англия Премьер-лигасида иштирок этиши мумкин. Сўнгги пайтларда матбуот туркиялик футболчини Премьер-лига клублари билан тез-тез боғлаб туради.
Fichajes'нинг фикрича, “Манчестер Юнайтед” Гюлернинг трансфери учун 60 миллион евро таклиф қилиши мумкин. Агар туркиялик ярим ҳимоячи ўтиш учун тайёр бўлса, таклиф тушади.
Аввалроқ, 20 ёшли Арда Гюлерга "Арсенал" ва "Ливерпуль" қизиқиш билдираётгани ҳақида хабарлар тарқалган эди.













