"Реал" бош мураббийи Карло Анчелотти Чемпионлар Лигасидан чиқиб кетган жамоанинг келажаги борасида фикр билдирди. Чорак финал босқичида "қаймоқранглилар" "Арсенал"га имкониятни бой берди (икки ўйин натижасига кўра 1:5).
"Энди Ла Лига чемпионлиги учун курашамиз. Бизда ноқулай турнир ҳолати бор ("Барселона"дан 4 очко ортда қолмоқда - изоҳ), аммо "Барселона" билан ҳали ўзаро тўқнашув бўлади. Мавсумда бизни кубок финали ва клублар ўртасидаги жаҳон чемпионати ҳам кутмоқда. Биз ўрнимиздан туришимиз керак. Бошни кўтариб, хатолардан сабоқ олиш керак," - деди Анчелотти.
"Реал" навбатдаги ўйинини 20 апрель, якшанба куни Испания чемпионатида "Атлетик"ка қарши ўтказади.
