Лондоннинг "Арсенал" клуби бош мураббийи Микель Артета Мадриднинг "Реал" клубига қарши ўйин олдидан Хосеп Гвардиолага мурожаат қилган.
Ўз майдонида "қаймоқранглилар" устидан қозонилган ғалабадан (3:0) кейин "канонирлар" бошқарувчиси Гвардиоладан маслаҳат сўраганини тан олди. "Сантьяго Бернабеу"даги жавоб учрашувида ҳам лондонликлар устун келди (2:1) ва Чемпионлар Лигаси ярим финалига йўл олди, шундан сўнг Артета яна "Манчестер Сити" устозини тилга олди.
"Мен Пеп Гвардиола туфайли бу ердаман. Бугун эрталаб унга қўнғироқ қилдим. Ундан доим миннатдорман," - дея Артетанинг ўйиндан кейинги интервьюсидан иқтибос келтиради The Touchline.
