"Бавария" ЕЧЛдан чиқиб кетганидан кейин евромавсумнинг фақат битта совринига даъвогарлик қилмоқда.
Мюнхенликлар Чемпионлар лигаси чорак финал жавоб баҳсида "Интер" билан дуранг ўйнади (2:2). Биринчи ўйинда Венсан Компани жамоаси 1:2 ҳисобида мағлуб бўлганди.
Қишда "Бавария" мусобақанинг 1/8 финалида "Байер"га (0:1) ютқазиб, Германия кубогини тарк этди.
Айни пайтда мюнхенликлар 69 очко билан Бундеслигада пешқадамлик қилмоқда. 2-ўриндаги "Байер" билан орадаги фарқ 6 очкони ташкил этмоқда.
Эслатиб ўтамиз, "Бавария" ёзда АҚШда бўлиб ўтадиган клублар ўртасидаги жаҳон чемпионатида ҳам иштирок этади.
