"Манчестер Юнайтед" марказий ҳужумчиси Расмус Хёйлунн Италиянинг "Наполи" клуби шорт-листига киритилган. Бу ҳақда La Gazzetta dello Sport нашри хабар бермоқда.
Манбага кўра, ёзги трансферлар вақтида "Наполи" 22 ёшли даниялик футболчини ўз сафига қўшиб олишга уриниб кўради, аммо шу билан бирга клуб "қизил иблислар" сўраган 60 миллион еврони футболчи учун тўлай олмайди.
Хейлунд жорий мавсум барча мусобақаларда 43 та ўйинда майдонга тушиб, 8 та гол урди ва 4 та голли узатмага муаллифлик қилди.













