"Ан-Наср" "Челси" таянч ярим ҳимоячиси Мойсес Кайседони нишонга олгани айтилмоқда. Бироқ, Саудия клубининг эквадорлик футболчини қўлга киритиш имконияти нолга тенг.

Британиянинг The Telegraph нашрига таяниб, TodoFichajes нашрининг хабар беришича, "Челси" Кайседони катта пулга ҳам сотмайди. Лондонда 23 ёшли эквадорликни спорт лойиҳасининг муҳим фигураси деб билишади. Шундай экан, Кайседо Криштиану Роналдунинг жамоадошига айланмайди.

Мойсес Кайседо "Челси" сафида жами 85 та расмий ўйинда майдонга тушиб, 2 та гол ва 7 та голли узатмани ўз ҳисобига ёздириб қўйган. Нуфузли "Transfermarkt" портали футболчини 80 миллион еврога баҳоламоқда.