"Ювентус" Микеле Ди Грегорионинг шартномасини сотиб олишдан бош тортган тақдирда "Фиорентина" дарвозабони Давид де Хеа номзодини кўриб чиқиши мумкин, деб хабар беради SportMediaset.
Туринликлар ўтган йили "Монца"нинг 27 ёшли италиялик дарвозабони Микеле Ди Грегориони 4,5 миллион еврога ижарага олган эди.
Шунингдек, келишувда муайян спорт мақсадларига эришиш шарти билан ўйинчининг шартномасини сотиб олиш мажбурияти кўзда тутилган.
Агар шундай бўлса, "Ювентус" футболчининг трансфери учун уч молиявий йил давомида 13,5 млн евро тўлайди, аммо бу сумма маълум шартлар билан яна 2 млн еврога ошиши мумкин.
Манбага кўра, Турин клуби Ди Грегорионинг шартномасини сотиб олишдан бош тортса, унга нисбатан тажрибалироқ дарвозабон қидириши мумкин.
Эҳтимолий номзодлар орасида "Фиорентина" шарафини ҳимоя қилаётган Давид Де Хеа номи тилга олинмоқда.
