"Ливерпуль" марказий ҳужумчиси Дарвин Нуньес туманли "Альбион"ни тарк этиб, фаолиятини Испанияда давом эттириши мумкин, деб ёзади Todofichajes.

25 ёшли уругвайлик ҳужумчини Мадриднинг "Атлетико" клуби ўз сафига қўшиб олмоқчи. Битим ёзги трансфер ойнасида расмийлаштирилиши мумкин. Дарвиннинг бозор нархи 50 миллион еврога баҳоланмоқда ва унинг мерсисайдликлар билан шартномаси 2028 йил июнь ойи охирида тугайди.

Нуньес Англия Премьер-лигасининг жорий мавсумида 25 та учрашув ўтказди. Ҳужумчи бешта гол ва иккита голли узатмани ўз ҳисобига ёздириб қўйди. У "қизиллар" сафида 2022 йилдан буён тўп тепиб келмоқда.