Райан Шеркининг истеъдоди Европада эътибордан четда қолмади ва "Арсенал," "Манчестер Сити" каби клублар унинг номини кейинги трансфер ойнасида жамоани кучайтириши мумкин бўлган футболчилар рўйхатига киритиб улгурди.
Майдоннинг сўнгги учдан бир қисмида нозик техника ва хавф туғдириш қобилиятига эга бўлган Шерки "Лион"нинг бу мавсумда яна рақобатбардош бўлишида асосий омиллардан бирига айланди. Унинг ривожланиши аниқ ва бу турли клубларда қизиқиш уйғотди ва шу нуқтаи назардан Англия унинг кейинги манзили бўлиши мумкин.
Манчестерда унинг ҳаракатларига жуда юқори баҳо беришаётган бўлса-да, барчаси "Арсенал"да футболчи трансфери учун энг яхши имконият борлигини кўрсатмоқда. "Канонирлар" аллақачон унинг атрофидагилар билан алоқа ўрнатган ва французни таркибнинг ҳужумкор салоҳиятини кенгайтириш учун идеал кучайтирувчи сифатида кўрмоқда.
Эслатиб ўтамиз, 21 ёшли вингер жорий мавсум "Лион" сафида барча мусобақаларда 39 та ўйинда 12 та гол ва 18 та голли узатмани амалга оширди.
